本佐日本燒肉料理 (Closed)

食肉獸再次出動 今次終於同朋友食咗好耐都未食過嘅燒肉放題 今次就嚟咗新開嘅本佐燒肉度食 幾唔錯唔錯燒肉放題好貼心咁有好多唔同嘅前菜 除左肉仲可以食下其他小食叫咗啲刺身食下 發現都唔錯幾新鮮有三文魚 帶子 甜蝦 玉子 蟹柳等等 味道鮮甜 食下熱辣辣嘅燒肉可以食刺身轉下口味😋仲有啲炸物小食 都幾好食 炸蝦唔會太多粉 幾好食 佢嘅鮮奶卷都幾值得讚 唔算太漏 唔驚會太飽燒肉叫咗一口牛肉粒 牛肉 雞肉 五花腩 腸仔 佢嘅爐火喉幾好 唔會好快燒焦哂 而佢嘅肉肉質都唔錯 唔會太韌 仲可以見到佢肥脂均衡 仲幾有味道 肉味鮮味突出 仲有唔同嘅醬汁可以選擇😋另外仲有海鮮類可以燒 叫咗啲蠔 蜆 同埋大蝦去燒 都幾好食 蠔唔會太腥 再加埋啲牛油去燒 幾入味 蜆亦都冇乜沙 幾好食 叫海鮮去燒下都幾好👍🏼