燒肉801 (Under Renovation)

夜晚行完the one經過見到呢間新開嘅燒肉，朋友話不如食下，我地就試下，性價比高，坐得舒服，店員非常有禮貌。醃鱈魚胃袋爽彈有咬口，無腥味，好似八爪魚咁。帆立貝大大粒，加左牛油更加香口。赤海老肉質爽口彈牙。806牛舌盛有鹽味牛舌同醬油牛舌，兩款都幾好味。801盛有大判燒黑毛和牛肩胛肉，腹前牛小排，葱鹽味雞胸肉，和牛肩胛肉牛肉味濃，燒完沾上生雞蛋，味道濃香嫩滑。腹前牛小排入口超香，葱鹽味雞胸肉雞肉嫩，唔會鞋。