Video
Read full review
2024-08-22
188 views
.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯觀塘區除咗人多車多，餐廳選擇同樣都多。最近觀塘道又開咗一間新嘅潮州菜，晚市時段都已經座無虛席，一於去睇吓有乜嘢嘢食先。鵝片拼盤分別有二拼同埋三拼可以選擇。最先當然有主角鵝片，其次我就選擇咗墨魚同埋大腸。首先鵝片煮得入味又薄身，食落又有爽口嘅感覺。另外仲有我鍾意嘅大腸，清理乾淨又唔會有異味，口感有嚼勁。凍馬友平時熱食就食得多，凍食其實我係第一次試。凍食可以品嚐到馬友比較緊致嘅肉質，仲會有魚肉本身嘅鮮甜味。招牌鹹魚生煎肉餅作為肉餅嘅愛好者，點少得試吓煎肉餅。肉餅兩邊煎香，再加入咗鹹魚帶出海鮮嘅咸味。可以做到外脆內軟又多汁。椒鹽九肚魚用咗薄薄嘅炸粉去鎖住九肚魚嘅水份，一啖咬落去連骨頭都炸到酥脆。櫻花蝦椰菜粉絲煲當然唔少得叫返碟菜，火候十足又夠鑊氣。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 潮盛館 (觀塘)觀塘觀塘道404號時運工業大廈地下A&B號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
觀塘區除咗人多車多，餐廳選擇同樣都多。最近觀塘道又開咗一間新嘅潮州菜，晚市時段都已經座無虛席，一於去睇吓有乜嘢嘢食先。
鵝片拼盤
分別有二拼同埋三拼可以選擇。最先當然有主角鵝片，其次我就選擇咗墨魚同埋大腸。首先鵝片煮得入味又薄身，食落又有爽口嘅感覺。另外仲有我鍾意嘅大腸，清理乾淨又唔會有異味，口感有嚼勁。
凍馬友
平時熱食就食得多，凍食其實我係第一次試。凍食可以品嚐到馬友比較緊致嘅肉質，仲會有魚肉本身嘅鮮甜味。
招牌鹹魚生煎肉餅
作為肉餅嘅愛好者，點少得試吓煎肉餅。肉餅兩邊煎香，再加入咗鹹魚帶出海鮮嘅咸味。可以做到外脆內軟又多汁。
椒鹽九肚魚
用咗薄薄嘅炸粉去鎖住九肚魚嘅水份，一啖咬落去連骨頭都炸到酥脆。
櫻花蝦椰菜粉絲煲
當然唔少得叫返碟菜，火候十足又夠鑊氣。
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
潮盛館 (觀塘)
觀塘觀塘道404號時運工業大廈地下A&B號舖
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
Post
