楓林小館 (Closed)

昨晚算早收工（入到荃灣都8點有多），同老婆出街食飯撐枱腳開心吓。我鍾意食中菜，荃灣廣場有幾間選擇，但係都唔知食邊間好🤔，上到6樓行過鴻星見唔到有乜吸引嘢，行過啲有新開嘅楓林小館，都想試吓新野，餐牌價錢係有啲貴，不過依家做緊8折，所以都入去試吓。可能新開張，同埋比較夜🌙，入到去只有幾枱人，所以坐得好舒服😌。枱面有紙口罩套供應，好衛生👍🏼。侍應哥哥姐姐都好幫手👏🏼，有個侍應哥哥好勤力教新人做嘢。食物來講算OK，未至於驚喜，可能兩個人菜式比較少，未試到正嘢，會想再試吓其他菜式。環境幾舒服，可能人少比較寧靜。價錢可以接受，因為依家有8折。