紅樓 (Renamed) View

從街坊口中得知呢間“紅樓”新開張，只要做會員就有半價優惠。街坊平日試過不過不失。見有半價就係weekend 同屋企人去試下。餐廳話開11點，11點15分到達仲未開門，門外已經有兩組人等開門唔想呆企，轉過頭11點30分到終於開左門，但見到頭先果兩組人未食就轉頭離開。一問之下原來冇book位冇半價！！！但係Facebook 同poster 完全冇提過！！我有親自問下職員，佢話最後兩日公司改左policy一定要book 位先有半價！！真係龍門任佢擺呀！諗住book 夜晚食啦，又話至少要一日前訂位。做唔起優惠就突然縮沙。。。即刻唔想俾生意佢，落樓下“名苑”酒樓食好過！樓下勁多人，攞左飛都等左大半個鐘先入座。呢間完全冇人就知咩事！值得一提既係呢間同啓鑽苑間“紅樓”同名，人地出左聲明呢！仲tag左“啓德體育園”啊！！咁多野加埋，大家去食之前都要衝量下！