金鶴拉麵 (澳門逸園中心) (Closed)

見到新店開張做緊買一送一優惠就去試下，買一送一最多減$98，夜晚未夠6:30都已經有成10張飛前面等緊，要食真係要早啲去，優惠做到26/3。✨雞白湯拉麵 $98呢個招牌雞白湯個湯底勁香勁濃郁，飲落去有少少奶油嘅香味，同一般嘅拉麵湯底差好遠更好味，而佢嘅肉都唔係好叉燒，而係有兩塊雞胸肉同一塊比較瘦嘅豬肉，就咁食清清地，浸落濃湯食都好正。炸牛蒡好香脆嬷好味，麵質就偏硬身都ok。✨北海道蟹湯拉麵 $138個麵上面有好多蟹肉，每食一啖麵都會有蟹肉，超鮮甜，個湯有淡淡蟹香，聞到蟹香，食住鮮甜蟹肉，好正，好滿足。