行去睇吓個菜單，一個人唔知食咩見佢有套餐大概$70左右一個晚餐，行入去試吓啦
揀咗泡椒酸菜魚配滷肉飯$68，嘢飲加$8新開張期間九折
員工服務態度都好好，不過就仲未安裝好安心出行所以要寫紙仔
一上枱個外貌好吸引，佢冇問到我要乜嘢辣，食落去嘅時候係完全唔辣，酸味都唔係太重，配料都幾多，有少少金菇萵筍同寬粉，冇咗大陸嗰陣四川味道，泡椒酸菜魚來講呢個算係好淡味，食物上枱嘅樣見到好吸引，希望味道可以再進步，荃灣區而家都係得幾間川菜但係暫時都冇一間係出色，但係呢度好有誠意又有禮貌所以會再去幫襯
見到又有人打邊爐都幾得意，茶餐廳格局嘅四川菜又有得打邊爐，下次叫多兩個朋友再試多少少嘢再比評分，新開張環境都尚算幾乾淨！
