心裡有素 (Closed)

星期日出咗旺角行街，中午去咗廣華街嘅「心裡有素」食晏，因為近嚟見網上介紹新開張，就襯吓熱鬧😊。一去到嘅時候我有少少意外，因為估唔到上手舖會結業🙈。環境近似茶餐廳，雖然稍為迫夾，但無阻食物多樣化。先講收費，佢價錢真係算抵食👍，每位最平由$58起，茶記齋食碟飯都差唔多價錢。呢度嘅運作模式係入場先畀錢，然後食一個鐘，差唔多時間店員就會提醒。大部份食物都係喺自取區拎🥢，亦有少量新鮮炸起嘅食物會由姐姐繞場一圈派遞。就好似圖中嘅紅糖炸芋頭，熱辣辣送到口裡，外脆內軟，幾正。飽肚之選有炒飯、黑松露油乾燒伊麵同埋豉油王炒麵🍚。夏日炎炎唔少得涼拌菜式☀️，包括東北川辣涼皮(少辣)、日式麻醬冷麵以及蕃茄漬。佢哋算係比較新派嘅菜式，好少喺齋舖出現。另外，當然唔少得各種蔬菜🥦，例如有西蘭花、萵筍、通菜、椰菜、茄子、芽菜同豆角等，未能一一盡錄。佢哋以唔同嘅烹調方式處理，所以口味並唔重覆。但食物盤上無寫上菜式名，要食完先清楚係乜。我自己比較鍾意以下幾款，所以拎咗兩輪，包括蜜椒薯仔🥔、南乳娃娃菜同埋蒸三色蛋🥚。最後仲有精緻甜品仔🍮，三款都好味道，分別係牛奶蛋白、焦糖燉蛋同埋冰糖桃膠雪耳。總括嚟講，素食餐廳愈開愈多，間唔