南小館 (青衣城2) (Closed)

青衣城二期新開張，成層都系食野，岩哂得地唔駛周圍行。排隊等位等左幾分鐘就有得入去。叫左小籠包，銀絲卷，老干媽炒年糕，上海粗炒，豆漿勝瓜。坐位坐窗口，望住小巴站。飲番杯茶，杯茶夠熱夠好飲。黎左啲前菜花生都幾好食。豆漿勝瓜幾好食，上海粗炒食落一般，唔夠熱同埋軟。老干媽炒年糕唔夠辣。最好食都系啲小籠包，即整夠哂熱又附汁，咬落去啲肉汁都溜哂出來。食完再encore食多籠食完埋單，可能新開張，侍應唔熟，等左好耐都無人黎埋單，希望做耐啲會有改善。