好耐無同朋友聚會～生活忙碌都要見下朋友🥰
今次揀咗間尖沙咀新開嘅Cafe☕️黑灰白階磚幾型格🖤
小店座位唔算多，只有幾張二人枱。
我同朋友坐係bar枱位，所以同店主傾咗幾句。
原來老闆以前係咖啡師，夢想自己開一間咖啡店☕️
下次搵日中午時間要嚟飲飲啡先得😎
主食方面，店主推薦咗宮保雞丁扁意粉比我地。
✪ 宮保雞丁扁意粉 ⌫💲100
好特別的fusion 配搭。麻辣醬汁味道微辣開胃，好惹味。雖然好多辣椒，但辣度唔算重。醬汁掛係扁意粉上面，每一啖都可以享受到。扁意粉口感彈牙。上面加咗蕃紅花，味道好夾。
✪ 軟殼蟹蟹肉忌廉飯餅 ⌫💲130
好驚喜嘅主菜。飯餅煎得外脆內軟，入面有好香滑嘅忌廉，加少少芝士味道。軟殼蟹炸得好香脆，夾埋蟹籽食仲卜卜脆。
✪ Daily's Cake ⌫💲42
當日有柚子芝士蛋糕同藍莓芝士蛋糕選擇。我地揀咗柚子芝士蛋糕。口味清新，好香濃柚子味道。上層係柚子醬酸酸地，好開胃。芝士蛋糕好綿滑。
【 Triangle Coffee 】
📌尖沙咀加連威老道41C號嘉威大廈地下A2號舖
