Times Coffee

Open Now

Now Closed

觀塘新開左間台式café，由地鐵站行過黎都唔算好遠。食物選擇同其他café有少少唔同，呢到好似fushion咁。主食叫左炸軟殼蟹魯肉飯，呢個有驚喜! 平時食到既炸軟殼蟹好常係上菜個陣已經淋曬，有陣油益味。但呢個軟殼蟹咬落去仲係脆口，而且表面有D 椒鹽辣粉，食落更加惹味。魯肉飯佢已經幫你撈好左，所以係每粒飯都有魯肉既汁，好入味。抹茶紅豆冰見到呢到既棉棉冰係即整， 所以食落個口感特別棉。呢個冰好足料，有黃豆粉味同埋綠茶口味既蕨餅。冰上仲有cream cheese，溝埋D紅豆蓉同埋冰好好食。最頂係抹茶雪糕，唔係假甜個種，仲帶少少抹茶既苦味。個冰都幾大個，一定要預留位置食佢!伯爵茶鮮奶好濃郁既伯爵茶味，同埋飲落唔會有卡粉既感覺，係好順滑。