越男仔Express

Open Now

Now Closed

九龍灣站地鐵一出係1期，馬莎直出就可以過2期，考完試去Namco 玩掉彩虹，夾零食，就去埋隔離搵食喇。德福 Foodeli 好多人，同阿囡行左個圈睇下想食咩，佢見到越男仔個店名覺得好搞笑，又未食過越南野食特別好奇。囡囡揀左: 招牌海南雞黃薑飯，同姨姨點好野食主動去搵位先，我就揀左Dinner Set : 招牌手撕雞扎肉椰汁酸湯檬粉+ 黑糖無骨鳳爪沙律+ 越式炸春卷+ 龍眼冰。 慶祝新店開幕，晚市飲品減$8 ！！ 雞份量好足，和飯比例就算成人都好夠食。椰汁酸湯幾特別，另上左仲有提供辣椒油可以自由加落湯底，個餐好豐富，小食黎講都唔少， 春卷裡面粉絲和蘿蔔絲咬落去滿滿的。環境一啲都唔迫，唔算好嘈，地方都感覺乾淨，搵位速度都好快。