瓏門冰室 (Closed)

金馬倫道又新開左一間冰室—— 龍門冰室。新開張期間大排長龍，今日同同事都貪新鮮黎試下餐牌好多選擇，除左一本好厚嘅menu之外，仲有幾個特餐menu可以揀。幾經掙扎之後決定食佢嘅3.6特濃牛乳芝士玉子常餐常餐包一碗湯麵，一份玉子燒+多士，另配餐飲。先黎餐飲熱奶茶，茶味香濃，奶嘅比例恰到好處黑松露蘑菇芝士玉子+牛油多士落單好快就已經上菜，略嫌牛油多士唔夠脆。一介開蛋皮就有好多黑松露蘑菇餡擁出嚟，好豐富，估唔到餡嘅份量會多過蛋黑松露好有鹹香，蘑菇冇我平時好討厭嘅草青味，夾埋多士食就岩岩好無咁咸，不過就唔係好覺玉子入邊有芝士啦。牛肉蕃茄湯通粉番茄湯較清，面頭舖滿鮮甜嘅蕃茄粒同牛肉片，味道唔錯。另外要讚下佢嘅通粉好彈牙，好有口感整體黎講，上菜速度快，價錢合理，食物又多樣化，以後食lunch又多一個選擇喇