冇食咁耐原來已經搬咗去新鋪
新鋪多番幾張枱 但係條龍都係咁多人🤣
我同友人一行4人星期六晚上7點幾去到
都有條長長嘅人龍係度！ 但好彩等左半個鐘左右就入座
見到佢menu 有唔少新口味
一見到抹茶黃豆粉味就俾佢吸引住！
🍧抹茶黃豆粉味
好好味！佢同我最中意食果隻焙茶味好似！
茶味較淡 黃豆粉味濃郁
果然shari shari 每次推出日式茶口味都冇令我失望
🍧草莓Special 味（配北海道牛乳奶凍）及黃豆粉蕨餅
奶香十足嘅士多啤梨味🍓甜度剛好
蕨餅煙韌 配上附上嘅黑糖 十分好味
另外d 冰食到尾 都仲係好夠味
唔會淡 得番水咁 落足料！
回頭率100% 唔怪得有咁多人排隊🥰
