呢度係我阿妹推介俾我既～ 小春日和💛 佢話又抵又好食！真係一試愛上呀！
主打日式定食，款式都算多，有咖哩、炸豬扒、牛肉壽喜燒等～定食已包沙律同飲品，全部無加味精ga！
2星期內嚟咗2次，一次過介紹啦！
第一次食既係👇🏻
🐷🧅豚肉生薑燒定食
唔好見佢有大量既洋蔥就以為d豬肉會偷工減料呀！係洋蔥底下就係滿滿既豬腩片!! 肥肉較多、比例係6:4，幾甘香，無豬肉「蘇」味ga～ 食食下會食到薑片，唔係坊間某d店只落現成生薑汁~
第二次食既係👇🏻
🐷🌶泡菜豬肉定食
呢日落雨有些少涼，想食返d辣野，所以order呢個~ 其實同上面生薑燒如出一徹，面頭的洋蔥換成泡菜而已。今次既豬肉肥瘦比例係5:5👍🏻 泡菜亦唔係用現成泡菜，用椰菜加韓式辣醬製成，辣度啱啱好，別有一番風味！
店面不算大，舖面人手眼見既有2位，不過見佢地好多外賣單，所以lunch hour都好忙，難得既係非常有禮同細心💛 絕對值得一讚！
比d時間我，我決定要試晒佢餐牌上既嘢食😆
