入到去裝修非常之靚中午時間都唔算好多人，位置都幾好坐幾寬鬆:)
冇得去旅行都只可以食下當地美食咁就當去咗旅行啦
望一望個餐牌全部價錢都幾咁實惠，午餐仲有套餐揀包小食飲品。
難得約咗朋友當然要食下唔同嘅菜式啦。
呢度嘅款式個名都幾特別，食越南野當然係食招牌菜金邊粉同咖啡☕️
叫咗冇幾耐已經極速上左， 成個賣相已經好吸引，呢個就係正宗牛魔王之選，有牛肉片牛面珠牛筋牛腱牛肉丸😋鍾意食牛嘅我真係忍唔住佢仲另外同埋辣醬同埋青檸
再配埋酸酸辣辣正啦，牛筋煮得好淋容易入口，牛肉片好夠牛味，而我最欣賞金邊粉，出面通常好快就斷開晒， 係非常之彈口吾易斷，食落口感與眾不同
呢個shakeshake雞軟骨
要應合左而家嘅潮流，故意分開咗少少辣嘅配料適應唔同人嘅口味
仲可以給大家娛樂一番雞軟骨非常好咬最緊要係啲香料真係同雞軟骨好夾，有得玩有得食
之後點左個烤蔞葉雞 半隻 配 青蘋果🍏條，
想點講吓個青蘋果條整到好似荀咁好特別，本身蘋果好甜又爽又加上好似筍嘅酸酸辣辣口感真係估唔到佢咁夾
平時食嘅燒春雞通常都好乾身，呢隻蔞葉雞不單止好入味，皮好脆最緊要肉質保持鮮嫩
朋友大贊不絕
另外最欣賞呢個脆米紙薄餅，佢嗰個蛋黃醬青瓜條連埋越式香腸（味道好似臘腸）成個薄餅食落好似真係平時PIZZA既脆版本，直接將佢切開一半摺埋食入口容易
唔會太油之餘食落果下好滿足。
之後再嚟呢個NVN高樓米塔呢個酸酸地嘅醬汁，雖然配料有啲似薄餅，但係食落呢係另一樣嘢黎，似食緊炸麵
最後要試吓佢嘅咖啡啦當然，因為越南嘅咖啡最出名
呢度呢連咖啡都好有創意一定要試吓呢個越蛋咖啡☕️
上面口口一層焦糖燉蛋，除咗靚之外真係好滑，食完上面嗰層燉蛋之後將剩餘嘅蛋同咖啡攪勻，成個咖啡更加滑非常之好飲
呢個真係必試推介
最後鍾意飲齋啡嘅你，可以試吓呢個雲朵咖啡， 除咗個樣靚之外佢有荔枝同柚子嘅選擇， 因為之前我試過柚子咖啡， 今次決定試吓荔枝咖啡，佢呢個咖啡深透左荔枝嘅香味，鍾意飲齋啡嘅朋友應該會鍾意，因為好香又唔會蓋住齋啡嘅味道。
