馬泰 (Closed)

一家人齊齊出街食飯，見好耐冇食泰國菜，便諗住去葵芳有冇好選擇。見到 OPENRICE 評語都算OK，咁就入去試下。坐底，待應先俾四大杯熱水，杯水熱到完全入吾到口，即時叫佢換杯凍水，開始點菜，叫左一個小食拼盤，青咖喱牛，馬拉盞炒通菜，牛油蒜蓉燒大蜆，油鬆餅。青咖喱牛，見到D咖喱汁，已經忍吾到，再叫一個白飯撈嚟食，跟住嚟個油鬆餅，但好似比較散，所以再加多一個印度烤餅，撈埋咖喱汁一齊食，真係好正。小食拼盤，有冇睇錯，咁大碟，咁多款小食選擇，有串燒2串，春卷四件，泰式鳳爪一碟，豬頸肉一碟，炸蝦餅四件，炸魚餅四件，其中炸蝦餅真係好正，真材實料，吾似其他果D咁鬆散，仲有豬頸肉，好入味馬拉盞炒通菜，都可以，不過不失牛油蒜蓉燒大蜆，好香口，但稍為咸左少少，但都好好味油鬆餅，太散了印度烤餅，撈咖喱汁一流白飯，吾係好得，乾爭爭。。。第一次幫襯，食品吾錯，但係服務就一般，個個待應都係目無表情，叫加水，等左好耐都冇人會理你。最後要由個清潔亞姐叫人加水先有人理下。但最好笑，個清潔亞姐會推個清潔車全餐廳走，仲要好急趕咁，吾通吾夠碟用？不過整體都算吾錯，有機會都會再去試下。