牛石料理 (Closed)

早前網上見到牛石料理推出左軟殼龍蝦菜色！ 龍蝦食得多喇，軟連殼食真係未試過！ 一於去try try! 軟殼龍蝦海葡萄沙律原隻龍蝦全隻炸得香脆，肉質肥美，食落龍蝦咪濃！ 最正嘅就係個龍蝦頭，香脆軟殼蝦加埋蝦膏，啖啖可口齒頰留香！另外，我地亦order左幾款美食。日本海膽丼 話明係日本海膽果然同出面食到嘅大不同！海膽用上高級北海道海膽，鮮甜無比，而且份量好足！加上拖羅溶，用紫菜漿用紫菜三姐包埋一齊食無比嘅鮮甜味喺口到爆發，食到停唔到口！下次必定再Encore！銀雪魚京西燒銀雪魚油脂香滑，京西燒醃得非常入味，加上少少沙律醬一齊同食， 十分分惹味！軟殼蟹沙律軟殼蟹沙律份量意外地多，成隻軟殼蟹炸得香脆鬆軟，雖然比軟殼龍蝦少肉但係不失香濃蟹味。沙律菜淋上酸甜沙律醬十分開胃。