一家大細行元朗，經過西菁街，大大個易拉架廣告，幾吸引，入去試下。
環境方面：
日式佈置，有部份日式座位，亦有啲地標牆紙，可以打下咭，坐得舒服
服務：
大量青年，手快腳快，有禮貌。用二維碼點菜，無漏單，出食物快。
由於身處地窖，電話訊號差，所以餐廳有提供wifi, 彌補不足。
食物：
我選擇左升級套餐，298＋190，加一服務費，可以食晒所有嘢，我推介當中幾款
刺身，切得好細塊，但源源不絕，包括生蠔刺身，適合眼闊肚窄嘅我，夠新鮮。
海膽手卷，細細卷，一口呎吋，啱晒
菠蘿鵝肝，500蚊左右嘅放題竟然有鵝肝，點可以唔試
燒鰻魚，大大串，夠脂肪，超好食，精選
羊架，大約7成熟，好嫩，唔會太羶，又係好出色
松葉蟹，啲肉都實，夠鮮
另有韓國飲品雪糕任飲任食
總結﹕
500幾蚊，可以暢食啲貴價食材，絕對抵食，得閒再去。
3
31
