Kaylaism (Closed)

旺角中心近年黎，不停地進行革新，不停有餐廳及小食進軍旺角中心 。
今次就黎到位於新之城既洛煮意。
地方唔算太大，但勝在座位擺設岩岩好，令到坐滿都唔會太擠迫。老闆娘親自在餐內招呼客人及落單，仲親自向客人介紹唔同既食物 盡心盡力，所以餐廳內人客都係坐滿的。幸好我到既時候仲有一兩張枱。

1

黑松露忌廉野菌天使麵，相信大家一聽到忌廉已經覺得非常之膩，但相反煮得啱啱好份量唔會太多而且意粉唔會因為忌廉而變得一pat pat，份量啱啱好食完唔會覺得太膩！

黑松露忌廉野菌天使麵

$73

重頭戲黎喇
原隻虎蝦配忌廉番茄闊條麵，因虎蝦制作需時所以會比較耐少少，但食到好既食物，係需要忍耐一下。闊條麵煮既軟硬度剛好，口感唔會過淋，不得了，而蝦既鮮味出曬黎，，一黎蝦係爽口彈牙，加上忌廉番茄汁簡直係無得頂，可以話有100分！

原隻虎蝦配忌廉蕃茄闊條麵

$89

係飲品方面朱古力沙冰嘅濃度簡直係甜到入心，而拿鐵濃濃既咖啡香味，一飲入口，走到全身，十分醒神！

Latte

$28

朱古力沙冰

$26