LAB10 (Closed)

咁岩行開朗豪坊見到新開左間好靚嘅韓式餐廳，喺外面望入去個裝修好有feel，真係成間lab咁~ 原來係食燒肉嘅，見到都唔錯就入去試吓啦入到去值得一讚係每張枱都會有塊板格住，私隱度非常高Menu 有好多種唔同嘅肉類，我就叫咗個特級和牛拼盤，有幾種唔同嘅肉，仲要係A5和牛添，如果想再食好啲就可以嗌韓牛啲牛嘅紋好靚，油脂分布啱啱好，食落真係好正啊，入口即溶，個和牛肉眼最值得推薦仲跟埋生菜可以夾埋啲肉一齊食除咗牛之外仲叫左個護心肉，睇落個名好特別，所以就叫黎試吓啦，味道都唔錯好入味。其他食物方面就叫咗呢個韓牛他他，生嘅韓牛加埋啲牛油果溝埋都好fresh岩哂做頭盤。仲有呢個芝士炸雞，聽個名都知道好好食啦，新鮮嘅炸雞加埋芝士夠哂邪惡最後叫左個沙冰，呢個沙冰個賣相都非常之好，味道岩岩好唔會太甜。