咕咾拼盤🐷🐷 $98
咕咾咕咾咕咾肉都可以揀豬唔同部位🤓 選擇困難症患者最後揀左食拼盤 可以試曬三款開心share 有梅頭肉 豬爽肉 豬腩肉 每種都有唔同口感 一次過滿足三個願望😇
即炸熱辣辣 鬆脆充滿酥香 雖然未到爆汁果種 但都幾有肉汁 咬落好有彈性彈性😋
呢個拼盤可以配兩隻醬 不過佢比錯左一隻所以送埋第三隻🤣 菠蘿咕嚕醬 金沙蛋黃醬 皮蛋紅薑醬 (當日冇牛油果醬) 咕嚕醬入面真係有菠蘿粒幾開胃 皮蛋紅薑醬味道幾特別 唔知點形容 值得試呀 咸蛋黃醬就偏甜唔夠咸蛋香
拉絲芝士豬扒刈包餐 $42
近近地放lunch落尖咀食野都有學生餐真好 絲就唔係好拉到 不過豬扒都係酥炸 大大件夠鬆軟 同個包都幾夾☺ 仲有蕃茄等配料 不過冇汁成件事有點dry
學生餐既薯條汽水轉做香炸菇菇同涼茶啤都只係分別+$5就得 好抵!
姨姨見我地兩個人仲送多杯比我地添 試左夏枯草啤同竹蔗茅根啤 雖然佢叫做啤 其實佢係零酒精 加左d氣泡係面 有少少梳打味 涼茶味唔會太苦 清爽幼滑易入口 即刻冇咁熱氣😌
煙肉芝士條 $28
幾香幾軟熟 最驚食到乾柴煙肉 呢個同芝士味道都好夾!😛
每兜炸物都送兩條"健康棒" 聽講係用黎減低邪惡感 仲可以餵🐰 好似係
