釜山燒烤之國民烤五花肉，係已經燒好咗比你食，完全唔驚Overcooked，都唔驚會燒到自己一浸味，好適合啲懶人，而且佢個五花肉真係似去韓國食個款，肥肉部份相對多，食落一啲都唔乾身，配埋啲生菜洋蔥，口感豐富。
蟹籽海鮮蛋卷，好厚身又大條，蟹籽完全冇同你慳，幾乎鋪滿晒蛋卷，有誠意。
RED 炸雞配脆脆薯格，我地就揀酸辣口味嘅無骨炸雞，肉嫩多汁，仲有茄汁，芥末醬配薯格。
韓式清爽海螺拌冷麵，同我想像中傳統嘅水冷麵有啲出入，因為呢個係無水去浸住冷麵，但係食落啲面都爽口彈牙。
BBB刨冰啤酒🍻好特別，有3種味揀，我揀咗青蘋果刨冰啤酒，好易入口，而且好大杯就算食到啲辣嘢都唔驚，因為有佢上面刨冰可以解辣😆
