比餐廳比較新派既中菜吸引咗入黎
內部既裝修都幾特別👍🏻
餐牌各種食物應有盡有～
叫咗個雞排撈麵 麵質比較淋身
但啲肉碎幾香口
雞排口感都好好
撈埋一齊食又幾好😆
菠菜牛油花甲
呢個菜比較清淡一啲
花甲都幾新鮮 清甜 無咩沙～
冬瓜響螺湯
冬天飲呢個都幾滋潤 用個燉盅上 仲係熱辣辣既
味道好清甜 無啲味精味 幾真材實料👍🏻
咕嚕雞
係平時咕嚕肉既雞球版本
酸度甜度剛好
覺得比平時既咕嚕肉更出色
因為雞球肉質比較滑
推介呢個菜式👍🏻
呢個蟹粉蝦仁就比較普通 無咩特別 蝦仁份量都算好多
黑松露小籠包
呢個小籠包真係幾濃黑松露味既
鍾意黑松露既朋友都可以試一試
不過皮就偏厚一啲 個人就比較鍾意薄皮啲既小籠包
整體黎講 四季芬芳既食物都中上水平
價錢都合理 值得一食～!
