百樂小館 (Closed)

放假朋友聚餐揀左地點方便的''百樂小館''。新派中菜廳，裝修簡單大方，有幾個雀籠燈罩 樣的單間小包廂。滷水鵝肉拼盤。潮州菜中最愛食滷水拼盤。''百樂小館''滷水拼盤有鵝肉、五花腩、墨魚片、滷水蛋同豆腐。整體滷得幾入味，特別係鵝肉，腍身又有香味。椒鹽九肚魚。顔色金黃，粉漿上得很薄，魚肉嫩滑，不過椒鹽味比較淡。黃金炸雙棗-蝦棗配蟹棗。即叫即炸，上枱時非常熱。味道不道，有點點海鮮鮮味，脆口少少彈牙。最後加個廚師推介XO醬生啫芥蘭煲。XO醬不多，不太香，味道不特別和出色。總體而言，係三五知己、家庭聚餐一個唔錯選擇。