OH MY GOOSE! (Closed)

今日收工去朗豪坊買化妝品。行到好攰梗係要搵嘢食。諗住走去food court嗰度睇睇。求其醫飽個肚就算數。點知比我發現咗一間中西合璧嘅燒味飯。算係幾新派新潮。不過呢個food court去到六點半已經好多人。所以一定要搵朋友吧定位先。真係多人多到不得了。見到佢哋個餐牌都幾特別。嚟到當然要試佢哋嘅暗然消魂飯。啲叉燒真係燒得啱啱好。食落去都好肥美。加上有少少半肥瘦。食落去都好香口。呢個係黑松露手撕雞蔥油飯。食落去一啲都唔油膩。加上佢個蔥油飯加左少少黑芝麻。食落去都幾香口。少少黑松露加嫩滑雞絲的確幾好味。我老友食呢個流心蛋手撕雞蔥油飯。幼幼叉燒絲配以一個半生熟滑蛋...的確超級野味。我另外一個老友就叫咗呢個....北海道牛乳滑蛋叉燒飯。佢話一個字滑最後我哋四個人食四個飯。都唔使220元....的確幾配合我哋嘅經濟原則。