咁我就揀左依間新潮型格既燒味舖！
一去到門口，已經覺得同平時既好唔同，
門口既射燈同店內既裝修，
唔講都唔知佢原來係一間燒味舖！
依間既燒味係餐廳裡面自家燒製，
主打蜜汁叉燒同燒鵝，
咁我就嗌左個二人餐，
可以揀三款燒味，
仲配埋雲耳青瓜、一碟小菜同兩杯餐飲！
除左主打既燒味仲揀左玫瑰豉油雞，
先講燒鵝，鵝皮燒得好香，
鵝肉既肉質幾嫩滑，好有深井既味道！
叉燒就揀左半肥瘦，肥瘦勻稱、鹹甜適中，
豉油雞有驚喜，一聞就有玫瑰露既香味，
咬落雞肉既肉質好嫩滑，值得一試！
雲耳青瓜酸酸甜甜，中和左燒味既油膩感，
小菜揀左炸蟹鉗，炸得夠香脆，
整體質素唔錯，套餐好抵食，
每人都唔洗$80，值得推介！
