茶聊 (Closed)

茶聊今次已經係第三次再嚟幫襯 因為頭兩次都覺得好好味 所以決定要來第三次位於旺角嘅Cafe好近朗豪坊 所以好容易就可以搵到每一次都覺得呢度嘅裝修真係好有心機 其實有時我都想喺度做下野消磨下時間 一入門口仲有個打卡位可以影相呢度係坐低睇完Menu之後要出去counter度俾錢買嘢食 之後就會有侍應將我order咗嘅嘢食送上嚟 軟殼蟹牛油果包一客有兩件 可以同朋友share 軟殼蟹炸得好脆 而包都好重蛋香同埋牛油香 旁邊仲有一兜薯條 雖然好似有啲Heavy 但係有啲沙律菜喺度可以減低油膩感 而且感覺好豐富 打卡會好好睇扒虎蝦卡邦尼墨魚意粉墨魚意粉係拎墨魚汁去整意粉 所以啲意粉係黑色一條條好得意 不過其實食落去同平時啲意粉味道一樣 所以唔使擔心有啲咩奇怪味 意粉上面有兩隻大虎蝦 仲有一啲芝士碎 睇落非常之吸引呢間餐廳平時都會出好多新潮嘅甜品今次就出左呢個髒髒百潔布蛋糕 非常之新奇有趣 不過由於食得太飽嘅關係所以冇叫到甜品 下次有機會一定要試吓！