Video
Read full review
2018-03-11
49 views
今個星期要OT，冇得休息家庭日！好彩有老婆帶埋個仔出來搵我食飯探班！ 個衰仔話午餐想食雞髀，我絞盡腦汁諗起之前成日經過嘅龍門冰室有雞脾食，即刻帶佢去！呢間龍門冰室好好生意，連放假午飯時間都要等15分鐘先有位。地方新裝企理，阿仔好鐘意呢度啲marvel裝飾！呢度啲野食除左有一般茶餐廳都有的常餐外，仲有好多西式野食，意粉，扒，選擇同一般茶餐廳唔同，仲有埋甜品，賣相幾靚仔，好鬼新潮。阿仔指定要食嘅雞脾撈丁$42，大大碟，隻雞脾整得入味，雞肉又夠嫩滑！要讚下呢度好多款食品都可以配丁面/撈丁，出前一丁fans好多野㨂！老婆就要蕃茄湯通粉+太陽孖蛋+五香肉丁，$36。咪睇佢好似好細碗，原來都幾多通粉。我就要個常餐沙爹牛肉出前一丁，都幾多牛肉喎！仲有個炒蛋同特厚爆醬奶油多，正呀！跟餐飲品加6蚊就有杯龍鳳檸樂，值得一加！
呢間龍門冰室好好生意，連放假午飯時間都要等15分鐘先有位。地方新裝企理，阿仔好鐘意呢度啲marvel裝飾！
呢度啲野食除左有一般茶餐廳都有的常餐外，仲有好多西式野食，意粉，扒，選擇同一般茶餐廳唔同，仲有埋甜品，賣相幾靚仔，好鬼新潮。
阿仔指定要食嘅雞脾撈丁$42，大大碟，隻雞脾整得入味，雞肉又夠嫩滑！要讚下呢度好多款食品都可以配丁面/撈丁，出前一丁fans好多野㨂！
老婆就要蕃茄湯通粉+太陽孖蛋+五香肉丁，$36。咪睇佢好似好細碗，原來都幾多通粉。
我就要個常餐沙爹牛肉出前一丁，都幾多牛肉喎！仲有個炒蛋同特厚爆醬奶油多，正呀！
跟餐飲品加6蚊就有杯龍鳳檸樂，值得一加！
Post
