夢工房西日料理 (Closed)

經常經過，但總係冇機會試。適逢今次就想同另一半行一行新翻新既新都會廣場，所以就係行之前試下佢既中午放題醫一醫肚。以裝潢而言，夢工房感覺上都幾前衛，外觀就似以貨櫃、金屬、電影等要素做主調，別具一格。同市面上其他放題一樣，放題種類都唔少，刺身、壽司、天婦羅等必不可少。我地坐底之後，就開始發動攻勢，各款食物該點皆點。先黎刺身拼盆，三文魚、帶子、甜蝦呢三款係放題必點三寶。而呢間刺身亦新鮮，其中帶子係厚切上，相比市面上切成薄片一塊塊 食起上黎更有滿足感。甜蝦亦不俗，亦鮮亦甜，不負甜蝦聲譽。再黎既係壽司拼盆，我地點左既款式唔多，其中火炙左口魚同火炙鰻魚壽司值得推介，壽司細細份，可以一啖擺入口，左口魚入口即溶，味覺上滿足但又唔會填飽個肚 降低戰力。當然亦唔會少得點一些炸物、串燒，當中既天婦羅比到我地意外之喜。外層既炸粉好薄，但卻唔會減少當中既香脆，放入口中仍然帶熱，我地都re-order左幾次先放過佢。最後，我地都點左一個火鍋作結，配料可以因應自己既分量去點，湯底我地就揀左壽喜燒湯底，稍微可惜既亦都係呢款湯底略為太甜，但淥下菜類亦可接受。最後既最後，當然就係我地既飯後甜品。甜品款式亦多，係冬天食雪糕