金記冰室 (新都城中心二期) (Closed)

金記冰室係全港有好多分店，今日係新都城行街，見到有熟悉既餐廳，當然要試下啦。menu有好多選擇，有少少唔知食咩好，最後諗住轉下口味，唔好食死幾款，揀左鐵板餐同雞煲，嚐下鮮😋。鐵板海陸空 $92顧名思義就係魚柳、豬扒同雞翼都有齊，認真份量十足。特別喜歡豬扒夠大塊有咬口，魚柳嫩滑，入口即融。麻辣啫啫雞煲 $68 轉套餐加$15好耐無食雞煲，咁啱見到menu有，決定要試下，雞煲上到黎熱啦啦，辣度係小辣，啱啱好，仲有好多配料，洋蔥、辣椒、菇類、青椒等，雞肉都好多，食得好滿足。白雪公主 跟餐$15雪山菠蘿冰 跟餐$15個名起的幾得意非常有創意，忍唔住要試下，雲呢拿雪糕同雪碧混合得剛好，味道相當不錯。