Mee...lemongrass (彩園廣場) (Closed)

今日又去咗食我最愛嘅馬來西亞嘢 喺上水嘅呢間mee.lemongrass 裝修得靚靚仔仔 而且食物又高質去骨海南雞半隻 海南雞半隻份量都幾多兩個人食就啱啱好 雞肉嫩滑 去咗骨啖啖肉 雞皮爽脆 一啲都唔油膩 而且點上秘製嘅辣汁更加鮮味馬拉盞炒通菜 出街食飯都要食啲菜 馬拉盞鹹香夠惹味 通菜新鮮 最緊要係唔多油 食完都唔口渴厚切蜜汁香茅豬扒 本身以為係普通嘅香茅豬扒 原來做得幾出色 豬扒厚切咬落鬆化 外面仲有甘香嘅蜜糖味 同香茅味互相配合天衣無縫芒果糯米飯 糯米飯做到好似壽司咁嘅形狀 非常可愛 上面大大嚿芒果下面係一口size嘅糯米飯 再點上椰汁 有創意得黎不失傳統