三一餃子 (利源西街)

Open Now

Now Closed

星期六過中環陪朋友買完嘢剛剛好三點三下午茶時間，既然大家都有少少餓就揾個地方醫下肚休息下，剛好經過依間裝修簡約嘅餃子店就入去試下。店內裝修、餐牌、餐具都好有創意及心思，感覺舒適！好有心思的遊戲咭餐牌，玩味十足！每人各點咗個A餃子+B主食+C小碟套餐冰花蝦皮韮菜豬肉煎餃煎得香脆，韮菜夠嫩無渣，韮菜味香濃，豬肉同菜比例剛剛好！鰹魚昆布湯烏冬份量多，口感煙韌，湯底鰹魚味濃。酥炸生蠔炸得鬆脆不油膩，蠔味濃內裡非常juicy!蒜芯豬肉湯餃子六件，餃子皮滑及煙韌，蒜芯新鮮口感爽脆，豬肉肉汁豐富不會夾雜大量肥膏。餃子雞翼係懶人至愛，無骨得嚟啖啖肉，外面炸到香脆，內裡雞翼肉汁juicy!豆漿蝦皮湯烏冬豆漿味香濃帶少少蝦鮮味！