The Joomak (Closed)

朋友介紹哩間餐廳，話好好食，今晚就來晚餐。餐廳燈光比較暗，設計簡約時尚，感覺唔錯。我地叫咗泡菜煎餅，韓式牛肉炒粉絲，青檸牛油果麻藥炸雞，韓式魚餅湯。泡菜煎餅，酸酸辣辣，好惹味。韓式牛肉炒粉絲，睇落分量唔算多，不過原來都夠食。味道好好呀，可能因為我鍾意濃味，牛肉好腍，份量都夠多，粉絲都煮得好腍，好入味。青檸牛油果麻藥炸雞，賣相已經好吸引，味道都好好，好特別，炸雞上面滿滿牛油果醬，酸酸甜甜，好清新，唔油膩，炸雞都算脆，有肉汁，亦唔會覺得好油。韓式魚餅湯反而一般，比較淡味，不過魚餅都唔錯。總括，餐廳都值得推介👍🏻