Video
Read full review
2018-09-13
2279 views
※本文以用餐當日的環境、服務和食物質素為準，口味亦因人而異，文章只作參考之用。-旺角區食肆眾多，想食越南菜的話「品越」都係一個唔錯既選擇，餐廳環境闊落坐得舒適。不過佢地唔算係傳統越南菜，係加入左新派元素既越南菜，所以時不時都會推出特別既新菜式，選擇多元化。餐牌部份香橙西柚沙冰、牛油果奶昔沙冰 各$35餐廳既飲品都唔算貴，選擇都幾多；小妹既橙西柚沙冰橙味重，沙冰飲落夠解渴。男人個杯牛油果味唔算話好濃，尚可。黃金椒鹽軟殻蟹 $88黃金即係鹹蛋黃，原隻軟殻蟹上枱時已一開四，蟹炸得夠香脆，可惜蟹蛋黃味唔算好重，唔夠邪惡。越式黑白芝麻雞 （半隻）$148黑白芝麻雞大部分已去骨，感覺幾似食緊海南雞；雞肉肉質還頗嫩滑，仲可以蘸上辣醬、蔥油和加了酒的醬油，小妹喜歡蘸加了酒的醬油覺得，酒味重覺得頗惹味的！是日推薦-肉骨茶 （賣完即止）$68估唔到今晚時日精選係男人愛既肉骨茶，據說是日精選每日不同，而且數量不多。肉骨茶以一小木桶上枱，裡面配料甚多，賣相足料。不過第一啖飲落去味道比較似飲燉湯，飲多幾啖肉骨茶的味道慢慢滲出，甘甜的味道都幾好飲，不過略嫌個湯油左少少。鮮茄石斑魚片湯檬 $88出去食親麵小妹至愛點
-
旺角區食肆眾多，想食越南菜的話「品越」都係一個唔錯既選擇，餐廳環境闊落坐得舒適。不過佢地唔算係傳統越南菜，係加入左新派元素既越南菜，所以時不時都會推出特別既新菜式，選擇多元化。
餐牌部份
香橙西柚沙冰、牛油果奶昔沙冰 各$35
餐廳既飲品都唔算貴，選擇都幾多；小妹既橙西柚沙冰橙味重，沙冰飲落夠解渴。男人個杯牛油果味唔算話好濃，尚可。
黃金椒鹽軟殻蟹 $88
黃金即係鹹蛋黃，原隻軟殻蟹上枱時已一開四，蟹炸得夠香脆，可惜蟹蛋黃味唔算好重，唔夠邪惡。
越式黑白芝麻雞 （半隻）$148
黑白芝麻雞大部分已去骨，感覺幾似食緊海南雞；雞肉肉質還頗嫩滑，仲可以蘸上辣醬、蔥油和加了酒的醬油，小妹喜歡蘸加了酒的醬油覺得，酒味重覺得頗惹味的！
是日推薦-肉骨茶 （賣完即止）$68
估唔到今晚時日精選係男人愛既肉骨茶，據說是日精選每日不同，而且數量不多。肉骨茶以一小木桶上枱，裡面配料甚多，賣相足料。不過第一啖飲落去味道比較似飲燉湯，飲多幾啖肉骨茶的味道慢慢滲出，甘甜的味道都幾好飲，不過略嫌個湯油左少少。
鮮茄石斑魚片湯檬 $88
出去食親麵小妹至愛點蕃茄湯底（如有），不過唔係間間都合口味，可能會偏甜偏酸或唔夠蕃茄味等。佢地既鮮茄湯底酸甜適中，蕃茄味重得黎唔會覺得係落左茄膏，入面仲有少少蟹肉，同埋片數不少又無骨既石斑魚片，一大碗都足夠兩人分享再加小食。
Post
