小神燈新派飯館 (Closed)

位於調景嶺嘅小神燈新派飯館，估唔到星期六嚟到超爆滿！好彩早嚟咁啱有枱，約咗朋友你試吓佢哋出名嘅菜膽雞同糕蟹！有種懷舊電影院嘅感覺，而且座位都好多同好舒適，周圍中裝飾咗好多彷霓虹燈感覺嘅燈飾，感覺玩味性質十足，就算係舊式商場入面都令人耳目一新！而且餐牌入面有好多一般餐館都冇嘅菜色，啱晒同屋企人嚟聚餐，品嚐下火候十足嘅小菜料理！炎炎夏日天氣先點左幾杯特飲，梳打特飲有三款唔同嘅口味，仙人掌果味濃郁，菠蘿酸酸甜甜，水蜜桃清潤甜香。糯米炒糕蟹 好夠鑊氣，而且糯米飯爽黏香同濃味，糯米飯有啲糯糯嘅口感，香爆糕蟹好大隻！真係夠晒足料同味道好鮮甜，食落好過癮。奇趣脆皮豬手 198因為見到每一台客人都有點！呢款脆皮豬手真係非常香脆，仲有原隻豬骨擺埋喺隔離！睇得出份量頗多，除咗皮薄脆，豬肉又好滑嫩，啖啖都係肉香，仲可以點黃芥辣襯到絕🤭腿茸菜膽雞腿茸菜膽雞令我印象深刻，雞肉真係好嫩滑，加埋菜膽嘅味道，味道好豐富！金沙脆香魚皮 作為餐前小食或前菜，魚皮酥脆，味道香醇，食落開胃，面層鋪滿左鹹蛋黃增加風味，鹹蛋黃仲食到一粒粒肉，啱晒我呢啲重口味嘅人🤭超鐘意！