Video
Read full review
2021-12-29
140 views
同朋友去到K11睇戲，睇戲前打算醫肚，去到呢間主打川菜嘅鄧記，裝修不錯，坐得幾舒服咁，仲有窗邊位可以欣賞維港景色。可惜天氣比較凍，加上窗邊位已被預訂，只好留待下次。餐牌上非常豐富，真係花多眼亂，一於叫套餐，可以食多幾款，滿足貪心嘅胃口。醬香桃仁，食落香口酥脆，仲有濃郁醬香，帶有甜味，忍唔住越食越多。夫妻肺片，牛肚同牛展都好爽口，帶有少少麻辣，涼拌嘅醬汁恰到好處。陳醋黑木耳，醋香甜甜酸酸好開胃，黑木耳爽口得嚟好滑。鮮椒海鮮滙，非常有驚喜，用左八爪魚仔、帶子、蝦仁拌蔬菜，食落少少辣但海鮮好爽口，好鮮味，非常開胃。淮杞響螺燉老雞，湯燉得好清但好香，飲落好滋潤，雞一啲都唔油。宮保蝦球，椒麻香同辣椒嘅辣味剛好，蝦球好大粒，爽口彈牙，辣得過癮。水煮桂魚，店家用上桂花魚片加薯粉水煮，魚肉同薯粉都吸收左香辣味，好香嘅辣椒同花椒，魚片肉質滑嫩，好惹味，辣得嚟好過癮。四川辣子雞，廚師將雞肉切粒，混合大量炸左嘅乾辣油椒及腰果， 整得非常香口，辛辣刺激，雞肉炸得好脆，非常唔錯。乾鍋手撕包菜，今餐相對清新嘅菜，但炒得好有鑊氣，吸收曬醬汁，幾香！豬腸綿陽米粉，豬腸預先滷好，入味得嚟好淋，側邊嘅配菜同米粉吸收曬湯汁
可惜天氣比較凍，加上窗邊位已被預訂，只好留待下次。
餐牌上非常豐富，真係花多眼亂，一於叫套餐，可以食多幾款，滿足貪心嘅胃口。
醬香桃仁，食落香口酥脆，仲有濃郁醬香，帶有甜味，忍唔住越食越多。
夫妻肺片，牛肚同牛展都好爽口，帶有少少麻辣，涼拌嘅醬汁恰到好處。
陳醋黑木耳，醋香甜甜酸酸好開胃，黑木耳爽口得嚟好滑。
鮮椒海鮮滙，非常有驚喜，用左八爪魚仔、帶子、蝦仁拌蔬菜，食落少少辣但海鮮好爽口，好鮮味，非常開胃。
淮杞響螺燉老雞，湯燉得好清但好香，飲落好滋潤，雞一啲都唔油。
宮保蝦球，椒麻香同辣椒嘅辣味剛好，蝦球好大粒，爽口彈牙，辣得過癮。
水煮桂魚，店家用上桂花魚片加薯粉水煮，魚肉同薯粉都吸收左香辣味，好香嘅辣椒同花椒，魚片肉質滑嫩，好惹味，辣得嚟好過癮。
四川辣子雞，廚師將雞肉切粒，混合大量炸左嘅乾辣油椒及腰果， 整得非常香口，辛辣刺激，雞肉炸得好脆，非常唔錯。
乾鍋手撕包菜，今餐相對清新嘅菜，但炒得好有鑊氣，吸收曬醬汁，幾香！
豬腸綿陽米粉，豬腸預先滷好，入味得嚟好淋，側邊嘅配菜同米粉吸收曬湯汁，味道少少辣但好影入口，唔太食得辣嘅人都會鐘意。
紅糖糍粑，整成一條條咁炸起，賣相好精緻，入口外脆內軟，食落好驚喜，味道唔會太甜，黑糖味好香， 女仔會好鐘意食。
人均5百蚊左右，但環境同食物味道都好好，值得再食。
Post
