Video
Read full review
2022-09-22
2726 views
今日避過午市高峰期同屋企人黎滿小館飲個靚茶😚呢間新派精緻中菜館質素一直保持得好好，係屋企人既悠閒飲茶首選，雖然定價係中高檔，但最緊要係味道夠好，而家平日中午都係免茶芥🤑好時中心既美食唔止得沙爹，仲有呢間新派中菜，裝修唔會好老氣🪵用咗唔少竹木系係櫃檯同餐具上，感覺自然舒服，仲有個調酒吧檯突顯出格調.作為一間中西合璧既新派中菜，茶水除咗普洱烏龍外仲有西式花果茶🫖今日揀咗瑰荔堂煌，職員仲會有一個小蠟燭熱住，服務幾好，入口花香果香溢出，幫助解膩🍒🥟水晶蝦餃皇 | $52 | 7/10蝦餃皮夠哂晶瑩剔透，唔會太薄易穿，入面蝦肉餡料就正常，相比今日食咗其他幾款蝦點心冇咁突出🤭🦀蟹籽燒賣 | $48 | 8/10即叫即蒸既美點，拎到出黎熱氣蒸騰，入口冬菇味好香好味道，咬落去肉餡比例恰到好處，既有蝦鮮味同豬肉既油潤😊🦐韭黃鮮蝦蒸腸粉 | $46 | 7.5/10有6大件腸粉，粉皮滑溜偏厚身，入面既大大原隻鮮蝦好似隔住腸粉都跳出黎咁，入口夠彈牙，韭黃味反而弱d🤪🦑古早味咖哩魷魚 | $48 | 8/10屋企人話呢碟好正，真係有細細個係酒樓食既風味，魷魚口感爽脆唔會韌😋加埋惹味咖哩更加欲罷不能，墊底仲豆卜
好時中心既美食唔止得沙爹，仲有呢間新派中菜，裝修唔會好老氣🪵用咗唔少竹木系係櫃檯同餐具上，感覺自然舒服，仲有個調酒吧檯突顯出格調
.
作為一間中西合璧既新派中菜，茶水除咗普洱烏龍外仲有西式花果茶🫖今日揀咗瑰荔堂煌，職員仲會有一個小蠟燭熱住，服務幾好，入口花香果香溢出，幫助解膩🍒
🥟水晶蝦餃皇 | $52 | 7/10
蝦餃皮夠哂晶瑩剔透，唔會太薄易穿，入面蝦肉餡料就正常，相比今日食咗其他幾款蝦點心冇咁突出🤭
🦀蟹籽燒賣 | $48 | 8/10
即叫即蒸既美點，拎到出黎熱氣蒸騰，入口冬菇味好香好味道，咬落去肉餡比例恰到好處，既有蝦鮮味同豬肉既油潤😊
🦐韭黃鮮蝦蒸腸粉 | $46 | 7.5/10
有6大件腸粉，粉皮滑溜偏厚身，入面既大大原隻鮮蝦好似隔住腸粉都跳出黎咁，入口夠彈牙，韭黃味反而弱d🤪
🦑古早味咖哩魷魚 | $48 | 8/10
屋企人話呢碟好正，真係有細細個係酒樓食既風味，魷魚口感爽脆唔會韌😋加埋惹味咖哩更加欲罷不能，墊底仲豆卜，吸哂汁爆香
🧄避風塘蘿蔔糕 | $48 | 7.5/10
避風塘主力風沙料真材實料，入口蒜香味道爆燈，小小辣更加提神醒腦，如果蘿蔔糕份量再多d就好，用盡哂所有料頭既香味😉
🫕意式濃蝦湯鮮竹卷 | $78 | 7.5/10
除咗傳統點心外仲有唔少自家創作點心，用意式濃湯去取代上湯浸泡住鮮竹卷☺️蝦油香味十足，輕嚐鮮竹卷入面都仲有蝦肉，令人有驚喜
🐷惠州梅菜扣肉包 | $48 | 8/10
產自梅菜之鄉既惠州，香氣撲鼻仲有d清甜味滲入肉到，扣肉肥瘦相間，同鬆軟既包好夾🍞上面仲印住自家logo，係招牌點心之一
🍤黃金鳳尾蝦多士 | $78 | 7.5/10
四隻鳳尾蝦好似跳水咁釀咗入多士入面，除咗蝦身多肉外，多士入面都有一大舊蝦膠👍入口鹹味適中，再點小小炸物良配既沙律醬就更開胃
🦐酒釀醉蝦 | $78 | 7/10
經典前菜之一，每隻蝦都大過手掌，頭入面仲有好多膏，蝦肉爽滑彈牙，不過今日可能醃得耐咗就鹹香蓋過咗酒香🤏
🍫朱古力布郎尼 | $42 | 7/10
甜品就揀咗罕見既布郎尼，入口緊密似食緊朱古力咁，但咬兩下就融入口水變成蛋糕咁🍰味道幾好值得一試，配花茶真係好有英式下午茶感覺
Post
