Video
Read full review
2014-12-19
3962 views
放工約左朋友喺海港城行街，AE卡有折扣而又冇咁傳統嘅食店得呢間，7點半攞ticket要等十幾張2人枱，所以行下再返黎，8點半黎過左再攞多張又要等多10幾張，又行下先。9點5再返黎過左6張枱，餐廳職員話過左3張ticket要再攞過，不過佢地9點半唔會再派ticket，而當時9點5仲有3張枱等緊所以估我地9點半前都輪唔到入去，所以唔肯派 ，但其實佢地收10點半嘅，佢早一個鐘+5分鐘已經唔肯派ticket真係幾有問題，最後佢俾我地等5分鐘等到9:30pm就有枱俾我地入啦。(好奇怪，呢5分鐘只係見一枱6,7個人走而地地張枱同排地前面2pair人係隔左成條走廊嘅，唔明點解唔肯派ticket囉。行入去時已經叫我地坐低要即叫野食，但我地等緊時係冇俾餐牌我地望定先，唔明點解可以即叫囉。坐低，見佢咁趕又費事阻人收工就拿拿臨叫左2個前菜+2個熱菜+2個drink，但等左一陣先有人幫我地落單。幫我地落單嘅服務員態度幾好，又有笑容，冇不耐煩咁值得一讚。上菜都唔慢，起碼佢地見廚房攞左出黎會放低手頭上工作幫我地送上。 第一味係卷狀嘅菜，應該雪櫃攞出黎，好快上枱同太冰啦 ；(不過隻碟真係好靚)之後係鴨同薯片(似LA
行入去時已經叫我地坐低要即叫野食，但我地等緊時係冇俾餐牌我地望定先，唔明點解可以即叫囉。
坐低，見佢咁趕又費事阻人收工就拿拿臨叫左2個前菜+2個熱菜+2個drink，但等左一陣先有人幫我地落單。幫我地落單嘅服務員態度幾好，又有笑容，冇不耐煩咁值得一讚。上菜都唔慢，起碼佢地見廚房攞左出黎會放低手頭上工作幫我地送上。
第一味係卷狀嘅菜，應該雪櫃攞出黎，好快上枱同太冰啦 ；
(不過隻碟真係好靚)
之後係鴨同薯片(似LAYS)夾住執桂花榚嘅前菜，可能我唔係太接受到新野，唔太欣賞：
有小龍包，一般啦，包入面都有湯嘅(呢個唔記得影相)；另一個熱盆係叉子肉鬆(唔記得個名，即係一盆肉碎連4個包子自己夾黎食)好spicy，同平時食開嘅唔同。
10點左右有侍應行埋黎話last order，問我地要唔要點品，叫左個豆沙窩餅，普通啦。
飲品嘅，朋友叫左個凍特飲，我叫左壺桂圓茶，我就覺得太甜啦最後佢地話要夠鐘埋數，要埋單先埋單$44x，俾AE應該餐牌食品半價，返黎張單係~$298,問侍應點解唔係一半價錢，佢就冇乜禮貌咁答飲料唔包。
由等位到埋單，共接觸4 -5位服務員，最令我深刻係帶位同埋單2位，因為佢地真係冇咩禮貌，其餘嘅都好好。
總括而言，呢餐未至於食到一肚氣，不過非必要唔會再去食啦。如果想試新派北京菜或重視裝修就可以食下。注重食物質素及服務，而又要食美心嘅，我會行多幾步去北京樓。
Other Info. :
碗碟，筷子叉及裝修都很精緻
(The above review is the personal opinion of a user which does not represent OpenRice's point of view.)
Post
