一入去已經覺得設計幾modern, 有新派食肆嗰種氣氛, 環境好大, 座位闊落, 完全唔似傳統潮州樓家
食物方面真係幾有創意, 啲餸靚到好似藝術品咁!! 唔單止賣相精緻, 味道都有潮州風味底子再加新派 twist
價錢合理, 地點同環境加埋食材質素, 性價比好高!!
服務態度好好, 啲職員會耐心解釋特色同食法, 好細心, 成體驗幾開心~
2
1
花雕醉六月黄 $89
大閘蟹（六月黃）醉過花雕酒, 蟹肉鮮甜帶住酒香~
滿滿蟹膏, 入口鮮甜, 酒味香濃但唔烈
酒醉走地雞（文昌雞）$89
雞件雪白, 肉質結實滑溜, 食得出係走地雞:)
酒香滲入雞肉, 入口先係花雕酒香, 再嚐到雞嘅鮮甜, 凍食特別清爽, 好有層次~~
黃皮燉鮑魚 $69
燉湯入口清香, 黃皮嘅酸爽同鮑魚嘅鮮甜融合得幾自然~
鮑魚燉到軟腍入味, 湯頭飲落清爽又去油膩, 有種家常滋補感
粉紅佳人（龍蝦肉餃）$69
顏色粉嫩, 造型精緻!!
餃皮軟糯不黏牙, 入面龍蝦肉鮮味突出, 仲有咬口添
魚香茄子 $49
精緻茄子造型好可愛!!
口感似咸水角, 但入而係魚香茄子餡, 入口香濃但唔膩
黑蒜蝦燒賣 $49
傳統燒賣新演繹, 蝦肉彈牙, 黑蒜味突出但唔搶喉, 反而令鮮味更香更濃, 每一口都好平衡
桂花黑醋海鱸魚 $189
原條酥炸海鱸魚上枱~~
外脆內軟, 鱸魚肉滑細嫩, 黑醋酸香突出!!
入口先酸後甜, 再俾魚肉嘅鮮味帶走, 好開胃呢~~
呢道菜酸甜得嚟唔膩, 有驚喜
金魚戲水（湯蝦餃）$49
點心造型好似金魚, 晶瑩剔透, 放喺湯入面真係似「金魚游水」
一啖落去皮薄餡靚, 蝦肉彈牙鮮甜, 連埋湯一齊飲, 味道更清爽~~
百花紫菜酥（蝦膠、墨魚膠、粟米粒）$89
外皮炸到香脆, 紫菜香氣十足!!
入面蝦膠同墨魚膠彈牙, 仲夾埋粟米粒嘅清甜, 口感豐富
豆漿蟹肉番薯葉苗 $89
湯底用豆漿煮, 帶住淡淡豆香同絲滑口感~
蟹肉鮮甜, 番薯葉苗吸咗湯底, 食落清新又有少少豆香同鮮味交織, 健康感十足
多肉荔枝鴨屎香烏龍 $39
入口可以飲到真荔枝果肉粒粒~~
鴨屎香烏龍茶底清香帶花果調, 真係透心涼, 夏天飲超解渴!!
粒粒葡萄茉莉綠茶 $39
新鮮葡萄粒加落去, 口感豐富, 酸酸甜甜, 加上茉莉綠茶嘅清香, 飲落特別清爽, keep 到茶味同果香平衡
1
「自己人」真係一 新派潮州點心酒樓, 菜式創意十足, 味道又有返咁上下, 想試下潮州菜新演繹, 呢度係可以一試嘅選擇
