潮藝館

Open Now

Now Closed

呢間中菜館位於iSQUARE，主打多款傳統嘅潮州菜，同時混合創新元素，好似食緊Fine Dining咁、店內裝潢十分特別，以黑色為主調，更設有bar枱，環境闊落，感覺舒適、平日晚上滿座，需要等位，想食嘅記得要預先book枱，而且見大部份客都係家庭，適合一家大細嚟聚餐。滷水獅頭鵝件係餐廳嘅招牌菜，基本上枱枱都有叫，滷水汁滷得夠入味但又唔會過鹹，肉質偏韌但連埋皮就啱啱好，下面仲有嫩滑嘅豆腐，配飯應該會好好味！濃湯蠔仔肉碎泡飯帶薑嘅香氣，蠔仔大大粒又唔腥，湯底清淡，落爆胡椒粉🤣黑醋骨採用意大利黑醋調製而成，排骨鬆軟，肥瘦適中，外脆內嫩，酸甜滋味，令人感覺開胃。金磚豆腐炸至外脆內滑，皮夠薄，咬落口感豐富，層次分明，味道偏淡，建議搭配辣醬食～ 普寧豆醬唐生菜炒得夠入味，味道比想像中更濃，偏油少少，菜夠鮮甜，咬落爽口，試試無妨。最後以甜點作結，玫瑰形狀嘅桂花糕，適合打卡，完全唔甜，動L動L，老少咸宜👍