Video
Read full review
2019-06-05
213 views
今日提早慶祝父親節，帶老爹食下新派粤菜，我地早過晚飯時間少去去，所以可以坐到窗口位。好豪氣咁叫咗幾個餸，食到好飽。冰鎮話梅涼瓜 - 第一次食唔係切片上嘅苦瓜，但意想不到嘅入味，酸酸甜甜，味點回甘，連平時唔食苦瓜嘅細佬都覺得好食，呢碟前菜瞬間KO。藍莓鮮淮山 - 話明新派菜，呢個真係好創新。因為藍梅醬係甜味，淮山沾上藍梅醬，可以當甜品。黑松露帶子炒滑蛋 - 香、嫩、鮮齊晒! 松露嘅香氣配上嫩滑的炒蛋，加上帶子嘅鮮味，呢個配搭係無敵嘅，而且帶子嘅份量都好多。脆米魚湯海星斑 - 全餐晚飯嘅重點主角，大家都期待佢係點樣嘅賣相。果然犀利，條魚來勢洶洶，比人分咗屍，拆埋骨，個樣都仲想游埋嚟咁款。哈哈! 其實係大廚好有心思，將條魚起骨蒸，擺位好靚，灑上香口嘅脆米。魚骨用嚟熬湯，食嘅時候將湯倒落碗度同魚肉、脆米一齊食。呢個餸真係有驚喜，食法夠新穎，魚又厚肉又夠滑，鮮甜嘅魚湯同脆米一齊食，做到互相提升味道嘅功效，魚湯同脆米都比我地掃光。星洲醬蝦球配薄餅 - 店員話每檯客都叫呢個菜，星洲醬香辣惹味，有d蕃茄酸甜，開胃之選，原本店家是配饅頭，但咁啱今日冇，改為配薄餅，我覺得仲好，咁樣食更有星洲風味。拔絲咕嚕
好豪氣咁叫咗幾個餸，食到好飽。
冰鎮話梅涼瓜 - 第一次食唔係切片上嘅苦瓜，但意想不到嘅入味，酸酸甜甜，味點回甘，連平時唔食苦瓜嘅細佬都覺得好食，呢碟前菜瞬間KO。
藍莓鮮淮山 - 話明新派菜，呢個真係好創新。因為藍梅醬係甜味，淮山沾上藍梅醬，可以當甜品。
黑松露帶子炒滑蛋 - 香、嫩、鮮齊晒! 松露嘅香氣配上嫩滑的炒蛋，加上帶子嘅鮮味，呢個配搭係無敵嘅，而且帶子嘅份量都好多。
脆米魚湯海星斑 - 全餐晚飯嘅重點主角，大家都期待佢係點樣嘅賣相。果然犀利，條魚來勢洶洶，比人分咗屍，拆埋骨，個樣都仲想游埋嚟咁款。哈哈! 其實係大廚好有心思，將條魚起骨蒸，擺位好靚，灑上香口嘅脆米。魚骨用嚟熬湯，食嘅時候將湯倒落碗度同魚肉、脆米一齊食。呢個餸真係有驚喜，食法夠新穎，魚又厚肉又夠滑，鮮甜嘅魚湯同脆米一齊食，做到互相提升味道嘅功效，魚湯同脆米都比我地掃光。
星洲醬蝦球配薄餅 - 店員話每檯客都叫呢個菜，星洲醬香辣惹味，有d蕃茄酸甜，開胃之選，原本店家是配饅頭，但咁啱今日冇，改為配薄餅，我覺得仲好，咁樣食更有星洲風味。
拔絲咕嚕肉 - 咕嚕肉是一啖放到入口嘅size﹐令食客食得方便。而菠蘿係用新鮮嘅，大件過咕嚕肉，可能就係咁，所以煮出嚟嘅菠蘿仲保持到清甜嘅菠蘿汁。
另外，我地仲叫咗d例牌野：無骨貴妃雞、脆皮鮮燒腩仔、乳鴿 - 雞夠晒滑、腩仔皮夠脆、乳鴿夠入味，全都合格。
最後仲要送埋甜品，完美!
呢餐老爹好滿意，仲話要下次嚟食其他煮法嘅魚。
Post
