MUTA Restaurant by ATUM (Closed)

1/8/2022 星期一，到美麗華商場shopping ，無意中見到呢間餐廳，裝飾有特色，望下餐牌，set Lunch 都吸引喎，一於坐低試吓。我哋二人，叫咗Set lunch，加兩個side dish。雜菜沙律🥗，新鮮雜菜，開胃。月見雞肉棒串，雞肉棒點一點太陽蛋黃，入口美味。午餐：-香蔥芝麻吞拿魚茸飯，香蔥野味，蛋黃撈埋甜豉油吞拿魚茸，嘩，呢個魚生飯，真係超正😋😋大蝦羅勒青醬意大利麵，好多隻大蝦，羅勒青醬有creamy口感，但唔油膩，意粉彈牙😋飲品：凍檸茶最後再叫咗一份甜品，share 食。法式奶油多士（鮮果，楓糖，鮮奶油），大滿足😋餐廳員工細心服務，座位寬敞舒適，有私人空間。咁優質嘅餐廳，梗係要推介啦！