鬼滷 (Closed)

今次去到銅鑼灣一間新派的潮州菜館，店內裝潢新派，座位寬闊，令人有種舒適的感覺。好特別是店舖用爆谷代替傳統的花生作小吃，香脆熱辣辣，好好味。蜆仔肉生菜包，新鮮蜆仔加入肉鬆，味道清甜，另外加入脆卜卜的炸粉絲一齊用生菜包住，增加了口感，非常好味。主菜的滷水併盤，可選3款或5款滷水美食。本身的滷水汁味道清甜，不會搶走每樣食材的味道，非常夾。滷水鵝肉，肉質非常鮮嫩，有肉味。鵝腸，卜卜脆，不太肥但很香。豬仔脾，啖啖肉，肉質嫩。滷豆腐，滑滑有豆味。蠔仔粥，粒粒肥大飽滿的蠔仔，鮮甜新鮮，粥底味道很好，再加入香蔥及菜莆，更加好味。潮式冷糕，傳統潮式的甜品，入面有花生粒，煉奶，外面有朱古力醬及士多啤梨，Fusion後另有一種特別感覺，好好味。