哥哥添飯•妹妹泡茶 (Closed)

哥哥添飯·妹妹泡茶 個店名好得意，店舖裝修時尚同埋企理乾淨。鋪仔細細但款式多，除咗台式飯麵仲有好多夜市小食，台式飲品都有唔少選擇。而且價錢仲好親民。三款餐前小食，其中椒鹽蝦仔炸到卜卜脆，香脆惹味，哥哥招牌塩麴雞拼傳統台南香菇蝦米油飯，以塩麴醃製過嘅雞件帶有少少酒香，台南傳統油飯加入蝦米香菇，香氣十足。九層塔鹽酥雞球，雞球好滑，完全冇油膩感。原味蛋餅，蛋餅煎到金黃色，面頭加上少少沙律醬，唔會太單調。水蜜桃果粒愛玉和薰衣草芒果烏龍，帶有茶香和果香，唔太甜，消濟一流。