鬼滷 (Closed)

由於我在銅鑼灣工作，所以常常在這區周圍搵好嘢食。最近發現咗呢間位於駱克道嘅新派潮州菜館，店舖裝修設計比較新穎,以紅色為主調，感覺比一般潮州菜館好新潮，而且座位夠闊落。一坐低店員會送上免費爆谷🍿爆谷帶有微温，每粒爆谷🍿都沾上濃濃嘅焦糖，食落仲卜卜脆。♡韭菜鴨血 $78鴨血好新鮮，味道非常入味，同時不會一夾就散，帶有少少麻辣。♡滷水拼盤 三項 $208<滷水鵝片+$28、鵝腸、墨魚>上枱時有一個小火爐保住溫度，吃到尾段食物仍然保持暖的。鵝片切得均勻一致，而且非常入味，啖啖肉。鵝腸好乾淨無異味，口感爽脆。墨魚片係薄切，帶有鮮味，口感滑溜，還有送滷水豆腐。滷水汁比一般滷水味道較淡，不會太鹹，顏色晶瑩帶有淡淡清香。加上師傅自製嘅香辣醬，好惹味。♡蠔仔粥二人份 $108大大粒嘅蠔仔，蠔身好飽滿，餐廳好貼心將蔥、芫荽、菜脯分開，可以按自己喜好添加，我好鍾意呢個菜脯好爽脆帶點小辣，食到停唔到口！♡荔枝接骨木梳打 $42創新飲品！一枱上還以為點解比罐涼茶我😂原來係餐廳先調配好飲品再沖入罐內，冲完再封蓋，即叫即沖，好特別！荔枝味好香，味道清新不太甜。