店長推介嘅 味噌三文魚六野菜便當($118)🍱 入面有味噌三文魚, 三文魚籽, 紫椰菜, 汁煮日本甜南瓜, 紅蘿蔔🥕, 醬油香菇🍄, 西蘭花🥦, & 自家種植車厘茄 配上珍珠米, 以均衡食物比例設計, 抗炎 抗癌 仲抗氧化, 成碗野超級colorful🌈 食得健康又睇得開心😃
然後我覺得最有特色嘅係 吉列玉子三文治($58) 完全估唔到 蛋都可以吉列炸😮 超厚身嘅玉子 配上多士 & 豬扒蛋黃醬, 好似喺日本食緊手啲創新嘅蛋料理咁, 口感好豐富😋
其他嘢食相對上就比較普通, 例如 明太子忌廉烏冬($88) , 明太子嘅份量太少, 完全食唔出佢個味, 成碗野就主要係得嗰幾粒三文魚籽嘅味🤨
南蠻炸雞 ($68) & 雞肉蕃茄醬烏冬 ($88) 都係整體味道偏淡, 如果食開重口味嘅人應該都會食唔慣🤭
今年好似好多節日都過得好冇氣氛… 如果唔係見到佢啲萬聖節裝飾, 我都唔知原來就嚟萬聖節添🎃 餐廳本身嘅裝修就以園林為主題, 有張吊椅打卡位📸 不能錯過🙈
