新派係講緊呢度嘅格局 😂
開放式嘅設計，開揚得嚟又唔會話比人望住哂
而且裝修都幾古色古香！
食嘅嘢都好多元化
自選套餐乜都有啲，選擇豐富
自選小食揀咗爽脆薑蔥鯇魚皮
都幾大碟下！👍🏻
魚皮爽脆好食～
自選點心份量好足
原本以為每樣得兩件（二至三人套餐嘛）
點知樣樣真係足一籠！
蟹籽燒賣王賣相唔算好精緻
但係餡料真係好飽滿，每粒都大大粒 👍🏻
有蝦同豬肉餡
一開頭襯熱一人食咗一個流沙包無影到相 😋
第二張相係隔咗陣先影嘅最後一個包
都仲係幾流沙！勁！
每個包入面仲有粒鹹蛋黃㗎
第三款點心係安蝦咸水角
有成四粒咁多 😂
菜都有四款揀
我就揀咗菜心，又係好大碟～
啲菜心好翠綠，好新鮮！👍🏻
瑤柱鮮龍躉粒薑米炒飯個名非常架勢 😎
炒得粒粒分明又多料，瑤柱同龍躉粒都唔少
最後仲有清甜滋潤嘅中式糖水
揀咗兩款唔同嘅 share ☺️
