不過原來除左勝香園, 筷子記依D老牌餐廳之外 最近聽講有間新開既漢堡飽快餐店 一開就好多人推薦話正!
一入到黎感覺好正 裝修明顯有美式快餐店既格調
餐廳既除左裝修設計夠正之外 野食既質素亦都非常重要 一於睇下佢D漢堡飽究竟有咩特色先
我就嗌左一個COMBO B 當中包括有一個超好味既漢堡飽, 一兜既炸雞翼 同埋特製既飲品
漢堡飽黎講 我嗌既係 BUFFALO 既口味, 除左有小小辣辣地之外 仲有小小蜜糖同酸酸甜甜既味道 感覺好特別 因為平時係MCDONALD同 BURGER KING 係唔會食到依隻特製醬汁味道既
依間餐廳漢堡飽其實全部都係雞排漢堡飽 但係分別就係我地選擇既醬汁
唔同既醬汁淋係雞排上面 都會令到成個漢堡飽有唔同既風味
咁等我介紹埋其他幾隻醬汁係D咩啦
就咁睇佢餐牌就知佢D醬汁既味道同佢地既名都有番咁上下特別 LA
SHIT THE BED 係一種餐廳自家特別調製既醬汁辣辣地 適合鍾意食辣既朋友
MALA 唔洗多講多啦 姐係麻辣口味醬汁
SOUTHERN呢就係一種比較SMOKEY同微辣既醬汁
SALT & VINEGAR係一種粗鹽同醋口味既醬汁 十分特別
TRUFFLE MAYO 就係一種松露口味既醬汁
雖然略略介紹完咁多種口味既醬汁大約係點
不過相信大家都唔係好明我講咩架啦 唯有親身去試下睇下邊隻醬汁既漢堡飽最岩你口味啦
炸雞翼黎講我就叫左麻辣既口味 冇錯 食雞翼果陣都可以根據餐牌上面既口味黎選擇既
依個雞翼同MCDONALD 同KFC 既雞翼 真係高幾個LV
雞翼即叫即炸唔在講 雞翼外面炸到脆一脆既外皮包住入面雞肉既肉汁 差D辣親條利
麻辣既口味唔算太辣不過亦都十分刺激
特製既飲品我就選擇左洛神花蘆薈桂花烏龍茶
依度特製既飲品係100%天然既低卡路里飲品 岩曬岩岩做完GYM 或者DIET緊既朋友
依個洛神花蘆薈桂花烏龍茶 味道清清甜甜 而且夠曬大杯 食完個漢堡飽同雞翼之外 清一清 就岩曬啦
總括黎講 依間中環新開既快餐店絕對值得一試 特別調製既醬汁漢堡飽 即叫即炸既雞翼 同天然低卡路里既飲品 出面MCDONALD KFC 真係差太多
