Read full review
2023-03-24
676 views
放工約左朋友去中環飲返杯🍻 係中環SOHO區有間純白門面既舖位好吸睛😍 原來係Sakeh既姊妹店Katana，以日本武士為主題，裝修型格時尚~ 居酒屋好多小食揀，定價親民，串燒都只係幾十蚊，難怪平日未到7pm已經全場爆滿，人氣十足呀❤️🔥Katana提供多款日式佐酒小食同串燒🔥 由燒海鮮﹑肉類﹑天婦羅至主食都有。呢度亦有多款啤酒﹑梅酒﹑清酒可以揀✅ 店員熱情好客，可以為你推薦合適既酒，招呼唔錯👍🏻清酒♢ 🍶安藝虎土佐錦(300ml) $338店員介紹呢支酒較易入口，岩女士飲~ 呢支酒係無濾過純米吟釀，入口香醇，後勁有少少辛，整體味道柔和圓潤。前菜♢ 🌸千壽金磚玉子 $78擺盤好靚，日式蘿蔔片整成花花形狀，好有和風感覺~ 豆腐外脆內軟，入口好滑嫩，面層加左香蔥同麵豉醬調味，味道又幾夾~♢ 🐖煙燻沖繩黑豚肉 $108沖繩黑毛豬以天然穀物飼養，肉質結實，油脂分布均勻。豚肉都幾厚切，煙燻過後非常香口，啖啖肉好滋味！串燒♢ 🐓燒鳥組合 $128呢個set抵叫~ 一次過試哂佢既招牌串燒❗️分別有鹽燒雞蠔肉﹑汁燒雞上脾肉﹑柚子胡椒雞上脾肉。雞肉燒得皮脆肉嫩，保持肉汁，唔會鞋口。特別鍾意柚子胡椒既調味，
Katana提供多款日式佐酒小食同串燒🔥 由燒海鮮﹑肉類﹑天婦羅至主食都有。呢度亦有多款啤酒﹑梅酒﹑清酒可以揀✅ 店員熱情好客，可以為你推薦合適既酒，招呼唔錯👍🏻
清酒
♢ 🍶安藝虎土佐錦(300ml) $338
店員介紹呢支酒較易入口，岩女士飲~ 呢支酒係無濾過純米吟釀，入口香醇，後勁有少少辛，整體味道柔和圓潤。
前菜
♢ 🌸千壽金磚玉子 $78
擺盤好靚，日式蘿蔔片整成花花形狀，好有和風感覺~ 豆腐外脆內軟，入口好滑嫩，面層加左香蔥同麵豉醬調味，味道又幾夾~
♢ 🐖煙燻沖繩黑豚肉 $108
沖繩黑毛豬以天然穀物飼養，肉質結實，油脂分布均勻。豚肉都幾厚切，煙燻過後非常香口，啖啖肉好滋味！
串燒
♢ 🐓燒鳥組合 $128
呢個set抵叫~ 一次過試哂佢既招牌串燒❗️分別有鹽燒雞蠔肉﹑汁燒雞上脾肉﹑柚子胡椒雞上脾肉。雞肉燒得皮脆肉嫩，保持肉汁，唔會鞋口。特別鍾意柚子胡椒既調味，鹹香中帶點清新感覺，幾惹味！
♢ 🐓自家製免治雞肉軟骨 $48
居酒屋必備串燒之一，啖啖免治雞肉好綿滑，加左軟骨帶有咀嚼感，配上生蛋黃口感順滑。
♢ 🐄免治牛肉棒 $58
呢款串燒真係好少見~ 唔似雞肉軟骨咁有咬口，每啖都係焦香軟腍腍既牛肉，味道濃郁。
♢ 🐷荔枝豬肉卷 $32
最喜歡既串燒配搭~ 荔枝既清甜可以中和豬肉片既油膩感，味道一流。
♢ 🥗秋葵 $28
汁燒秋葵好香口，口感爽脆。
♢ 🥒翠肉瓜 $28
翠肉瓜燒得岩岩好，唔硬又唔會太腍，保持爽口。
天婦羅
♢ 🎣鰻魚脆脆 $98
賣相好得意，堆到好似層層疊咁，估唔到咁好食！餐廳用彩色米通包住鰻魚，炸到金黃香脆，外脆內軟，推介必點！
♢ 💫海膽天婦羅 $168
最特別既天婦羅，必試！外層炸粉薄脆，入面包左滿滿既海膽，口感細膩，鮮味十足。
主食
♢ 🥩和牛味噌朴葉燒 $228
和牛配朴葉燒都係第一次見~ 原來係日本飛驒地區既鄉土料理，佢地喜愛將食材放係朴葉上燒烤，增加風味🍁 火爐仔好夠火候，燒一陣已經可以享用半生熟既和牛，加埋秘製醬汁真係好好味！仲有少少洋蔥﹑香菇做伴菜。
甜品
♢ 🍎雪葩 $98
雪葩有多款口味可以揀：蘋果﹑菠蘿﹑水蜜桃等。原個蘋果送上好可愛😍 雪葩係用真材實料既蘋果肉整成，口感綿滑，帶有清甜蘋果味，食左咁多野清一清味蕾就最適合~
Post
